Үндэсний телевиз
Цагийн хүрд
Найм арваннэг
Германы "Бундес лиг"-ийн тэмцээний 19-р тойргийн сүүлийн тоглолт өнөөдөр боллоо. “Аугсбург” клуб өөрийн талбайдаа “Вердер Бремен”-ийг хүлээн авчээ. “Эс-Жи-Эл” цэнгэлдэх хүрээлэнд болсон энэ тоглолтод багууд 2 үеийн минутын турш ширүүн өрсөлдөөнийг үзүүлжээ. Сүүлийн 8 тоглолтдоо хожил авч чадаагүй байсан "Вердер"-ээс энэ өдөр Теодор Гебре Селассие тооны харьцааг нээсэн. Гэсэн ч үүнээс 2хон минутын дараа “Аугсбург”-ийн Жонатан Шмид энэ улирлын эхний гоолоо оруулж, тооны харьцааг тэнцүүлсэн.
Тоглолтын 2-р үе эхлээд Герман довтлогч Макс Крузе торгуулийн цохилтоос хаалганд гоолыг оруулсанаар "Вердер" дахин хошуучлалыг авсан. Удалгүй “Аугсбург” ч дахин гоолын харьцааг тэнцүүлж чадсан. БНСУ-ын тамирчин Кү Жа Холийн довтолгоон амжилттай болсон юм. Тоглолтын сүүлийн минутад Кү Жа Холийн дамжуулалтаар Рауль Бобадилья хожлын гоолыг оруулж, багтаа бүтэн 3 оноо авчирсан. “Аугсбург” ийэхүү тун чухал хожлыг авсанаар 24 оноотой болж, лигийн хүснэгтийн 10-р байрт дэвшлээ.
| "Вердер Бремен" дахин хожигдлоо | ||
| Үзсэн: 1036 | Mongolian National Broadcaster |
М.Золзаяа
Б.Цоожчулуунцэцэг
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.