Үндэсний телевиз
Цагийн хүрд
Найм арваннэг
Өндөр хөгжилтэй оронд урт богино хугацаагаар эмч, мэргэжилтнийг сургах зорилтын дагуу 11 эмч, 3 сувилагч БНСУ-ын Вонг Гванг их сургуулийн эмнэлэгт мэргэжил дээшлүүлэхээр маргааш явна. Эрүүл мэндийн сайд Н.Удвал өнөөдөр тэднийг хүлээн авч уулзан эмнэлгийн тусламж, үйлчилгээний зохион байгуулалт, стандарт, технологи, шинэ дэвшилтэт арга барилаас суралцаж мэдлэг, ур чадвараа дээшлүүлж, эх орондоо ирээд сурч, мэдсэн зүйлээ хамт олондоо зааж сургахыг захилаа.
Энэ удаад орон нутгийн эмч нарыг хамруулах чиглэл гарсны дагуу шалгаруулалт явагдаж Баян-Өлгий аймаг, Багануур дүүрэг, Булган, Говь-Алтай, Говьсүмбэр, Дорноговь, Орхон, Өвөрхангай, Өмнөговь, Төв, Увс аймгаас эмч, сувилагч нар тэнцэж явах эрх авсан байна. Цаашид яаралтай тусламжийг цаг алдалгүй ард иргэдэд хүргэх, энэ салбарыг олон улсын жишиг стандартад нийцүүлэн хөгжүүлэх үндсэн мэргэжил болгон хөгжүүлэх зорилгоор бүх аймаг, дүүргийн 27 эмч тус чиглэлийн дагуу БНСУ-д мэргэжил дээшлүүлэх аж.
| Солонгос улсад 27 эмч мэргэжил дээшлүүлнэ | ||
| Үзсэн: 1353 | Mongolian National Broadcaster |
М.Золзаяа
Б.Цоожчулуунцэцэг
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.