Улсын их баяр наадмын өдрүүдэд ихэнх нутгаар хурц нартай халуун байх тул наршилтаас сэргийлнэ уу..

Баруун аймгуудын нутгаар: Долоодугаар сарын 11-13-нд нутгийн хойд хэсгээр, 14-16-нд зарим газраар түр зуурын бороо орно. Дуу цахилгаантай. Борооны өмнө салхи зарим газраар түр зуур ширүүснэ. Хангайн уулархаг нутгаар шөнөдөө 8-13 хэм өдөртөө 20-25 хэм, Их нуурууд болон Олон нууруудын хөндий, Алтайн өвөр говиор шөнөдөө 20-25 хэм өдөртөө 32-37 хэм, бусад нутгаар шөнөдөө 13-18 хэм өдөртөө 26-31 хэм дулаан байна. 15-16-нд  нутгийн баруун хэсгээр сэрүүснэ.    

Төвийн аймгуудын нутгаар: Долоодугаар сарын 10, 13-нд нутгийн баруун хэсгээр, долоодугаар 11-12-нд нутгийн хойд хэсгээр, 14-15-нд зарим газраар, 16-нд ихэнх нутгаар түр зуурын бороо орно. Дуу цахилгаантай. Борооны өмнө салхи зарим газраар түр зуур ширүүснэ. Ихэнх хугацаанд Дархадын хотгор, Хангай, Хөвсгөл, Хэнтэйн уулсаар шөнөдөө 8-13 хэм өдөртөө 20-25 хэм, бусад нутгаар шөнөдөө 15-20 хэм өдөртөө 27-32 хэм дулаан байна. 13-15-нд Орхон-Сэлэнгийн саваар өдөртөө 31-36 хэм хүрч хална.

Зүүн аймгуудын нутгаар: Долоодугаар 11-12, 16-нд нутгийн хойд хэсгээр, 13-14нд зарим газраар түр зуурын бороо орно. Дуу цахилгаантай. Борооны өмнө салхи зарим газраар түр зуур ширүүснэ. 10-11,13-нд ихэнх нутгаар шөнөдөө 10-15 хэм өдөртөө 24-29 хэм, бусад хугацаанд шөнөдөө 14-19 хэм өдөртөө 29-34 хэм дулаан байна.

Говийн аймгуудын нутгаар: Долоодугаар сарын 13, 15-16-нд нутгийн баруун хэсгээр түр зуурын бороо  орно. Дуу цахилгаантай. Борооны өмнө салхи зарим газраар түр зуур ширүүснэ. Ихэнх хугацаанд нутгийн хойд хэсгээр шөнөдөө 14-19 хэм өдөртөө 29-34 хэм,бусад нутгаар шөнөдөө 18-23 хэм өдөртөө 33-38 хэм хүрч хална