ЕАШТ-ий 7 дахь өдөр болсон хамгийн сонирхолтой тоглолт Испани болон Сербийн шигшээ багуудын хооронд өрнөлөө. Тэмцээний 2 шилдэг багийн хувьд аль аль нь хожигдолгүй, адил 3 хожилтой хэсгээ тэргүүлж байсан. 3 удаагийн Европын аварга Испанийн шигшээ багаас энэ өдөр Рики Рүбио 13 оноо, Пау Газоль 11 оноо, 10 самбар, Марк Газоль 9 оноо, Феранандо Сан-Эметерио 12 оноо авч гарааны тоглогчид нь сайн тоглолтоо үзүүлсэн бол сэлгээнээс гаран тоглосон Сержио Родригес 12 оноо авчээ. Харин Сербийн багаас NBA-н “Филадельфи 76-чууд” багийн довтлогч Дарио Сарич 18 оноо, Боян Богданович 15 оноогоор багаа тэргүүлсэн байна. Улмаар Европын аваргын тэмцээний цомыг хамгаалан тоглож байгаа Испаничууд 73:79-ийн харьцаатай хожлыг авч, 4 хожсон амжилтаараа "С" хэсгийг хожигдолгүй тэргүүлж байгаа бол тэмцээний эхний хожигдлоо хүлээсэн Хорватын баг 3 хожилтой 2-р байрт бичигдэж байна.