Б.Ц: Би бол Төв аймгийн уугуул хүн, 3 настай байхдаа УБ хотын Налайх дүүрэгт гэр бүлээрээ нүүж ирээд тэндээ суурьшин одоог хүртэл амьдарч байгаа. Дуулах авьяасын тухайд бол аав маань их сайхан дуулдаг хүн байдаг, мөн аавын маань ээж бас их сайхан дуулдаг хүн байсан гэж ярьдаг. Би бол бүр цэцэрлэгт байхаасаа л дуулах сонирхолтой хүүхэд байсан. Анх цэцэрлэг, сургуулийн багш нар маань л миний дуулах авьяасыг нээж өгсөн.

Б.Б: Миний хувьд Говь-Алтай аймгийн Цээл сумын харьяат, дунд сургуульд байхдаа хотод нүүж ирж суурьшсан. Би ч мөн ялгаагүй багаасаа л дуулах дуртай хүүхэд байсан. Өөрийн сонирхолдоо хөтлөгдөж явсаар байгаад СУИС-д орсон.

 

 

Б.Ц: Бид хоёр энэ жил СТА Б.Батболд багшийн удирдлаган дор СУИС-ын уртын дуулаачийн ангийг төгсөх гэж байгаа. Багшийг  маань ард түмэн уртын дуу дуулдаг мөн бөх цоллодог Манлай засуул гэдгээр нь илүү сайн мэдэх байх

 

 

Б.Б: Ер нь уртын дуу гэдэг бол маш агуу зүйл шүү дээ. Манай нутгийн хувьд бол уртын дууны баялаг түүх ихтэй, хүн болгоны сайн мэддэг “Хөөрхөн Халиун” гэдэг дууг манай нутгаас гаралтай гэж хөгшчүүл ярьдаг. Тэрнээс гадна нутгийн сайхан сайхан уртын дуунууд их байдаг, тэр бүгдийг би өөрөө судлаж сурахыг хичээж байгаа. Энэ мэргэжлээр төгсөж байгаа учраас бид хоёрын цаашдын уран бүтээлд уртын дуунууд ч мөн байна байх гэж бодож байна.

 

 

Б.Б: Би анх яруу найрагч Н.Баянмөнх ах дээр очиж захиалаад “Нэгэн голын хархүү” гэдэг дууг дуулсан, дараа нь Н.Баянмөнх ах маань Б.Цэрэндагвад зориулж “Хонгор жаахан Дүүриймаа” гэдэг дууг хийж өгсөн. Тэгээд дараа нь бид хоёрт 1990-ээд онд хит болж байсан УГЖ У.Далантай, С.Эрдэнэцэцэг нарын хослон дуулж олны хүртээл болсон “Сэтгэлийн үг” хэмээх сайхан дууг дахин хамтран дуулах санал тавьснаар бид хоёр дуулсан. Сүүлд нь ингээд харахаар “Нэгэн голын хархүү” дууг би Б.Цэрэндагвад зориулж дуулаад, “Хонгор Жаахан Дүүриймаа”-г Б.Цэрэндагва надад зориулж дуулсан, тэгээд бид хоёр нийлээд “Сэтгэлийн үг” дууг дуулсан юм шиг уялдаа холбоотой болсон.

 

Б.Ц: Бид хоёр өөрсдийнхөө уран бүтээлүүдээр өнгөрсөн зун 6 сард “Хонгор Жаахан Дүүриймаа” гэсэн теле зохиомж, кино концерт хийсэн. Тэр зохиомжны агуулга нь саяын хэлсэнтэй яг ижилхэн утгатай болсон. Теле зохиомжоо хийхдээ бид хоёр өөр өөрсдийнхөө дуунууддаа тус бүрт нь клип хийлгэсэн. Улмаар дараа нь бүгдийг нь нэгтгэж “Хонгор жаахан Дүүриймаа” гэсэн нийт 5 track-тай DVD гаргасан юм. Энэ DVD-нд маань миний ганцаараа дуулсан Н.Баянмөнхийн үг, хөгжмийн зохиолч Л.Анхбаярын ая “Хурдан хар” гэж дуу мөн багтсан.

 

 

 

Дэмжилгүй яахав, багш хүн болгон шавиараа бахархдаг шүү дээ. Манай багш нар маань бид хоёрыг маш их дэмжиж урам хайрладаг.

 

 

Б.Ц: Бид хоёрын хувьд бол энэ DVD зөвхөн анхны алхам болж байна. Өнгөрсөн зуны хугацаанд нийт 4 уран бүтээлтэй болно гэдэг бол чамлахааргүй амжилт. Цаашид бид хоёр илүү олон чанартай уран бүтээлүүдийг ард түмэндээ хүргэх зорилготой байнадаа.

 

 

 

Б.Ц: Бид хоёр бол харьцангуй шинэ хүмүүс л дээ, Гэхдээ аливаа шинэ уран бүтээл яаж ч төрж болдог гэж ойлгодог. Яахав сүүлийн үед дууг яруу найрагч, хөгжмийн зохиолчдын үнэ ханшаар хийлгэдэг болсон гэж ярьдаг. Үнэхээр чанартай байгаад хүмүүст хүрсэн бүтээл болж чадвал тэр захиалсан ч байж болно, хэн нэг яруу найрагч шүлгийг нь бэлэглээд бүтээгдсэн ч байж болно шүү дээ. Бас өнөөдөр бичүүлээд маргааш гардаг дуу ч байна, нилээдгүй удаан хугацаанд бүтээгддэг дуу ч  байдаг.

 

 

Б.Ц: Одоохондоо өөрсдийнхөө “бор зүрх”-ээрээ л явж байна даа. Аав ээж, ах эгч нарынхаа тусламжийг авдаг мөн нутгийн зарим ах нар маань туслаж байгаа. Цаашид бид хоёрыг уран бүтээлүүдээ хийгээд олонд танигдаад ирэхээр олон байгууллагууд дэмжиж туслах байх аа гэж найдаж байна.

 

 

Б.Б: Дуунуудаа бол бүх FM радиогоор өгсөн л дөө, их уриалгахан хүлээж авцгаасан. Гэсэн ч бас яг хангалттай хэмжээнд бидний уран бүтээлийг явуулж чадахгүй байгаа тал байна. Зарим дуучид мөнгө төлөөд дууныхаа цагийг зоолгодог, бид хоёрт одоохондоо тийм боломжоор хязгаарлагдмал байгааг нуух юун. Гэсэн хэдий ч сайн уран бүтээлүүд хийгээд сонсогчдод хүргэх болно.