Үндэсний телевиз
Цагийн хүрд
Найм арваннэг
Ойрын өдрүүдэд ихэнх нутгаар хүйтний эрч чангарсны улмаас иргэд осгож нас барсан хэрэг цагдаагийн байгууллагад бүртгэгдэн шалгагдаж байна. “Малдаа явсан эмэгтэй осгож нас барсан байна” мэдээллийн дагуу Хөвсгөл аймаг дахь Цагдаагийн газрын алба хаагчид шалгалтын ажиллагаа хийж байгаа бол Баянхонгор аймгийн Өлзийт сумын харьяат иргэн Б осгож нас барсан хэргийг харьяа цагдаагийн газарт шалгаж байна. Мөн нийслэлийн хоёр дүүргийн цагдаагийн хэлтэст хүн осгож нас барсан хэрэг бүртгэгджээ.
Иймд иргэд та бүхэн хөдөө орон нутагт зорчих гэж байгаа бол тээврийн хэрэгслийн бүрэн бүтэн байдлыг сайтар хангах, цаг агаарын нөхцөл байдалд тохируулан хувцаслаж, халуун хоол хүнс базаан зорчих, согтууруулах ундаа хэтрүүлэн хэрэглэхгүй байх, өндөр настан болон хөгжлийн бэрхшээлтэй иргэдэд тавих хараа хяналтаа сайжруулж өөрийгөө болон бусдын амь нас эрүүл мэндийг болзошгүй эрсдэлээс хамгаалахыг цагдаагийн байгууллагаас сэрэмжлүүлж байна.
| Малдаа яваад осгож нас баржээ | ||
| Үзсэн: 2450 | Mongolian National Broadcaster |
М.Золзаяа
Б.Цоожчулуунцэцэг
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.