“Төгс зохицол- Уламжлал ба орчин үе”  үзэсгэлэн энэ сарын 4-нд  “976” арт галерейд нээлтээ хийнэ. Уран бүтээлч Б.Баатарзориг, Б.Номин, Б.Хишигсүрэн, Д.Отгонсүрэн нарын хамтарсан  тус үзэсгэлэнгийн нээлтэд “Түмэн Эх” чуулгынхан хүрэлцэн ирж, тэнд тавигдсан бүтээл бүрийн өнгө аяс, сэдвийн утга санааг илэрхийлсэн орчин үеийн болоод уламжлалт хэмнэлт тоглолтыг сонирхуулах аж.  

 

Зохион байгуулагчдын зүгээс хийсэн тайлбартаа “энэхүү тоглолт нь  концерт биш,бидний хамтын үзэсгэлэнгийн нэгэн өвөрмөц шийдэл юм. Бид эл төслөөр дамжуулан уран зураг болон хөгжмийн хэмнэлтэй уламжлал ба  орчин үе хэрхэн хоршиж болдгийг нэг дор харуулж, сонсуулж, мэдрүүлэх зорилго тавьсан хэмээн өгүүлсэн байна.

 

Үндэсний Дуу Бүжгийн “Түмэн Эх” Чуулгын морин хуурч Б.Нинжээгийн санаачилсан энэхүү үзэсгэлэнгийн  үеэр уг чуулгын хөгжмийн ангийн 12 уран бүтээлчээс бүрдсэн цөөхүүл хөгжмийнхөн  хоёр шинэ аязыг мөн тоглох ба энэ нь хөгжмийн бүтээлийг анх удаа галерейн өвөрмөц орчинд хүргэж  байгаагаараа онцлог юм байна.