Үндэсний телевиз
Цагийн хүрд
Найм арваннэг
Оюутолгой төслийн далд уурхайн бүтээн байгуулалтын ажил өнгөрсөн онд ихээхэн хүлээлт үүсгэсэн ч дахин хойшилсон. Учир нь “Туркойз хилл” компани далд уурхайн бүтээн байгуулалтад зарцуулагдах 4 тэрбум ам долларын хөрөнгийг дэлхийн томоохон 15 арилжааны банкуудаас хүсээд байсан ч зээл хоёр дахь удаагаа хойшлоход хүрсэн юм.
Тодруулбал “Туркойз хилл” компани уг зээлийг авахын тулд Монгол улсын засгийн газраас албан ёсны зөвшөөрөл авсан байх шаардлагатай байсан. Харин манай талаас Оюутолгой төслийн анхны хөрөнгө оруулалтын зардал хэтэрсэн учраас дахин нягтлах хүртэл дараагийн шатны санхүүжилтийн асуудал ярилцахгүй гэсэн байр суурьтай байсан тул зөвшөөрөл олгох боломжгүй болсон юм.
Тиймээс дэлхийн томоохон арилжааны банкууд далд уурхайн бүтээн байгуулалтын санхүүжилтийн зээлийг энэ оны 3 сарын 31-ний өдрийг хүртэл хойшлуулснаа өнгөрсөн оны сүүлчээр мэдэгдсэн. Гэсэн хэдий ч манай талаас дээрх хугацаанаас өмнө зөвшөөрөл олгох эсэх нь одоогоор тодорхойгүй хэвээр байна.
| Далд уурхайн санхүүжилт гурван сард шийдэгдэнэ | ||
| Үзсэн: 2289 | Mongolian National Broadcaster |
М.Золзаяа
Б.Цоожчулуунцэцэг
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.