Үндэсний телевиз
Цагийн хүрд
Найм арваннэг
Ази, Номхон далайн бүс, тэр дундаа БНХАУ-ын төрийн албан хаагчдын гэр бүл, садан хамаатнуудад ажил олгож, хахуульдсан гэж АНУ-д үүсгэсэн эрүү, иргэний хэрэгт Кредит свис банкийг холбогдуулан, ойролцоогоор 77 сая ам.доллар төлүүлэхээр шийдвэрлэсэн байна.
Уг хэргийг шүүхэд шилжүүлэлгүйгээр, АНУ-ын Хууль зүйн департаменттай тохиролцоо хийж, 47 сая ам.долларын торгуулийг Кредит свис банк төлөхөөр болжээ. Түүнчлэн АНУ-ын Үнэт цаас, арилжааны хорооны үүсгэсэн асуудалд бас 29 сая ам.доллар төлөх юм байна.
АНУ-ын эрх бүхий байгууллагын үзэж байгаагаар, Кредит свис банк 2007-2013 оны хооронд бизнестээ ашиг олох зорилгоор Хятадын төрийн албан хаагчдын хамаарал бүхий хүмүүсийг ажилд авч “Гадаадад үйлдэгдсэн хахуулийн эсрэг хууль”-ийг зөрчижээ.
Мөн ажилд орсон этгээдүүд нь банкны шаардлагыг бүрэн хангаагүй ба тэднийг ажилд авах шалгуур ердийн журмаар ч явагдаагүй аж. Ийм хууль бус тохиролцоо хийсэн гэдгээ банкны зүгээс хүлээн зөвшөөрч байгаагаа албан ёсоор өнгөрсөн сард мэдэгджээ.
| Төрийн албан хаагчдын гэр бүлд ажил олгож, хахуульдсан банкинд торгууль оноожээ | ||
| Үзсэн: 2433 | Mongolian National Broadcaster |
М.Золзаяа
Б.Цоожчулуунцэцэг
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.