Бадминтон буюу агаарын теннис нь өрсөлдөгч хоёр хос буюу нэг тамирчин тороор тусгаарлагдсан, эсрэг талынхаа хамгаалж буй дөрвөлжин талбай руу довтолж тоглодог цохиуртай спорт юм. Тоглогчид өдөн бөмбөгийг цохиураараа цохиж, эсрэг талынхаа талбайд унагахыг хичээх ба тор дээгүүр давуулахын тулд ганц л удаа цохихыг зөвшөөрдөг. Дэлхийн хамгийн хурдтай цохилтыг шаарддаг  бадминтоны нэг тулаан нь 3 тоглолтод хэн нь илүү хожсоноор тодорхойлогддог. Одоогоос 2000 гаруй жилийн өмнө эртний Грек, Энэтхэг, Хятадад одон бөмбөгөөр тоглож байсан бөгөөд өнгөрсөн зуунд Английн эдлэн газруудад ихээр дэлгэрсэн үеэсээ  Бадминтон гэдэг нэртэй болжээ. Одоо дэлхийн 180 гаруй оронд хөгжиж байгаа бөгөөд дэлхийн ихэнх оронд Олон улсын Бадминтоны /IBF/ холбоо байдаг байна.  1992 оны Барселоны олимпоос эхлэн Олимпийн наадамд нийт 5 төрлөөр багтах болжээ.