“Макс-Өргөө” компани мэдэгдэж байна

Шуурхай:

“Макс-Өргөө” компани мэдэгдэж байна

2014-01-08 09:47:42

Чингэлтэй дүүргийн нутаг дэвсгэр Гэсэр сүмийн баруун талд байрлах “Макс Өргөө” компанийн “MAX Tower”-ийн барилга дээрээс өчигдөр өглөөний 10 цаг 30 минутын орчимд төмөр унаж, хүний амь насанд хүрсэн хэрэг гарлаа.

“Макс Өргөө” компанийн бариулж буй энэхүү 22 давхар барилгын 20 давхраас бэхэлгээний төмөр унаж, 3139 УНР улсын дугаартай Ланд 200 маркийн машины жолоочийн амь насанд хүрснийг тогтоогоод байгаа юм. Харин уг ослын талаар Макс группээс мэдэгдэл гаргасан байна. Макс группээс гаргасан тус мэдэгдлийг бүрэн эхээр нь хүргэж байна.

Мэдэгдэл

Чингэлтэй дүүргийн нутаг дэвсгэрт “Макс Өргөө” ХХК-ийн захиалгаар баригдаж байгаа оффисын зориулалттай барилга дээрээс энэ сарын 7-ны өдөр тулгуур төмөр унаж, хүний амь нас эрсэдсэн хэрэг гарсанд гүнээ харамсч байна.

Дээрх барилгын гадна фасадны ажлыг захиалгаар гүйцэтгэгэч БНСУ-ын хөрөнгө оруулалттай “Фасад Ин” ХХК-ийн хөдөлмөр хамгаалал, аюулгүй ажиллагаанд тавих хяналт хангалтгүйгээс осол гарах нөхцөл бүрдсэн байх тул уг асуудлын мөрөөр яаралтай арга хэмжээ авч ажиллаж байна.

“Макс өргөө” ХХК барилгын ажлын явцад хөдөлмөр хамгаалал, аюулгүй ажиллагааны горим, стандарт мөрдөгдөж байгаа эсэхэд хяналт тавих үүргийнхээ дагуу шалгалт хийн илэрсэн зөрчлийг арилгах талаар шаардах хуудас хүргүүлэх, барилгын ажлыг зогсоох зэрэг арга хэмжээ авч байсан хэдий ч өнөөдөр ийм харамсалтай осолд хүрсэнд гүнээ ухамсарлаж байна.

Ослын мөрөөр мэргэжлийн болоод хууль хяналтын байгууллага шуурхай ажиллаж, нөхцөл, шалтгааныг тодруулах, хариуцлага тооцох арга хэмжээг эхлүүлээд байгаа болно.

Нийтэлсэн: Ж.Мядагбадам

	“Макс-Өргөө” компани мэдэгдэж байна
Үзсэн: 2224	Mongolian National Broadcaster

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.

103.26.194.xxx [103.26.194.xxx] 2014-01-08 18:37

Газарыг ямарч хот төлөвлөлтийн стандарт гүйгээр замбраагүй хээл хахууль аван өгдөгөөс л олны хөлийн газар хүмүүсийн зорчих хэсэг байх ёстой ийм талбай дээр олгож байгаагас л ийм осол байнга гарч байна.Яг авто зам болон явган зорчигч явах эрхтэй газар ямар эрхтэн дархтан нь барилгын компаниудад газар өгөөд байгаагаас л арга хэмжээ авах ажлыг эхлэх ёстой.Барилга барих талбайд нь бусдын аюулгүй байдалд заналхиилэхээргүй аюулгүйн бүс бүхий хашаа алслагдсан зайн хэмжээг тогтоож байж газар олгох хэрэгтэй.Барилгын хуулиа эргэж хар зам тээвэр барилгын сайд аа таньд энэ хүн амины хэрэг маш их хамаатай.Газрынхнаа эхлээд хүмүүжүүл хамаагүй ингэж газар өгөөд байвал өөрсдийг нь тэр барилга доор нь зогсоогоод төмөр шидээд үз.Шуналын дэвүүдээр битгий хүний амь хөнөөлгөөд бай. Хуу"ль гэж байдаг юм бол эргэж хар хяна шинэчил.

0 0 Хариулах

202.5.202.xxx [202.5.202.xxx] 2014-01-08 13:54

Ах дүү уяач Макс Ганбаа Цэрэнжигмэд нарын барилгаас төмөр унаж, хүний амь эрсэдсэнд харамсаж байна.

0 0 Хариулах

202.5.202.xxx [202.5.202.xxx] 2014-01-08 13:50

Хүний амь 500сая төгрөг юм болов уу. Уяачид л энэ ханш тогтоосон байх даа. Олон сайхан эрэгтэй, эмэгтэй хуухдийг наадмаар морь уралдуулаад амь эрслүүлж, ийм мөнгө өр гэрт нь өгөөд сурчихсан юм байна. Уяачидаа хүнээр тоглохоо болиочээ!!!!!!!!!!!!!!!!!!!!!!!!!!!!!!!!!!!!!!!

0 0 Хариулах

103.23.51.xxx [103.23.51.xxx] 2014-01-08 10:22

Төрийн хариуцлагагүй байдлаас болж эрдэнэт хүний алтан амь эрсэдсэн явдалд гүнээ харамсаж талийгаачийн ах дүү төрөл төрөгсдөд гүн эмгэнэл илэрхийлж байна. Ийм явдал удаа дараа гарсаар байхад нүдэн балай чихэн дүлий явсаар байгаа төр засаг хяналтын байгууллагын буруу. Иймд төр засаг хариуцлага алдсан компанитай хариуцлага тооцож, хэрэв ингэж чадахгүй бол төр засаг өөрөө талийгаачийн ар гэрт 500 000 000 төгрөгийн нөхөн төлбөр олгох хэрэгтэй. Энэ төлбөрийг олгох хүртэл тэмцлийн бүх аргаар тэмцэх болно.

0 0 Хариулах