Үндэсний телевиз
Цагийн хүрд
Найм арваннэг
Лаосын зүүн хойд нутгийн Шиэнохоуан мужид энэ оны 11 дүгээр сард зохион байгуулахаар төлөвлөгдсөн спортын том тэмцээн авлигын хэргийн улмаас ирэх оны 11 дүгээр сар хүртэл хойшлогджээ.
Тус тэмцээн нь Лаосын өнцөг булан бүрээс ирсэн тамирчдыг оролцуулан 2 долоо хоногийн турш үргэлжлэх байжээ. Гэвч тэмцээн зохион байгуулагдах стадионууд засварлуулах болон шинээр бариулах тендерийн ялагч нарыг хууль бусаар шалгаруулсан гэх асуудал үүссэн тул Ерөнхий сайд Тонлоун Сисолит тэмцээнийг хойшлуулах шийдвэр гаргасан байна.
Мөрдөгч нар одоогоор тус мужийн төрийн байгууллагуудын 15 хүнийг авлигын хэрэгт сэжиглэн шалгаж байгаа ажээ. Түүнчлэн дан ганц авлигын хэрэг бус тус улсад саяхан газрын нуралт, үер зэрэг байгалийн гамшиг тохиолдсон нь тэмцээн хойшлох бас нэг шалтгаан болж байна хэмээн албаны хүн мэдээлжээ.
| Авлигын хэрэг спортын тэмцээнийг хойшлуулав | ||
| Үзсэн: 1344 | Mongolian National Broadcaster |
М.Золзаяа
Б.Цоожчулуунцэцэг
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.