Шууд Chart

БНХАУ-ын хоёр генералын намын гишүүнчлэлийг хаслаа

2018-10-20 09:35:11

БНХАУ-ын Коммунист намаас авлигын хэрэгт холбогдон, нэр хүндээ алдсан хоёр генералын намын гишүүнчлэлийг хасжээ. Мягмар гарагт хийсэн мэдэгдэлдээ “Тэдний шунал, үнэнч бус байдал нь зэвсэгт хүчинд хохирол учруулсан” гэсэн байна. Генерал Фан Фенхуй нь Хятадын Цэргийн төв байгууллагын дарга байсан бөгөөд одоогоор  хээл хахуулийн хэрэгт холбогдон прокурорын байгууллагаар шалгагдаж байгаа юм. Харин Генерал Зан Ян нь Фан генералын хамт өнгөрсөн жил ажлаас халагдан, мөн авлигын хэрэгт шалгагдаж байсан боловч 11 дүгээр сард амиа хорлосон байна.

Дэлхийд хамгийн томд тооцогддог Хятадын зэвсэгт хүчин илүү орчин үеийн болох зорилго тавин ажиллаж байгаа бөгөөд Ерөнхийлөгч Ши Жинпиний эхлүүлсэн авлигын эсрэг тэмцлийн гол бай болж байна. Дээрх хоёр генерал нь цэргийн маш нөлөөтэй удирдлагууд байсан боловч ийнхүү “уналтад” орсон нь ерөнхийлөгч Ши-д зэвсэгт хүчинд өөрийн итгэдэг, ойрын хүмүүсээ томилж, удирдлагыг гартаа авах гэсэн оролдлого мэтээр харагдаж байгаа юм.


БНХАУ-ын хоёр генералын намын гишүүнчлэлийг хаслаа  
Үзсэн: 819 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй