Малаа яаж маллахаа марксизмаар заалгахгүй гэсэн малчдын үг байдаг. Харин одоо цагт  малчид мэргэжлийн үнэмлэхтэй болж үнэмлэхтэй нэг нь мал маллах эрх авах бололтой. Монголчууд бид эрт үеэс л нүүдэллэн амьдарч  мал маллахаа хэнээр ч заалгахгүй, хэн нэгнээс үнэмлэх ч авахгүйгээр амьдарч сурсан улс. Гэтэл ҮХАА-н сайд Х.Баттулга малчдад мэргэжлийн үнэмлэх тараах ажилд 2 тэрбумыг зарцуулжээ. Цаас нугалан хавтаслахад 2 тэрбум битгий хэл 100 саяыг ч зарцуулахгүй нь ойлгомжтой байхад 2 тэрбумыг зарцууллаа гээд сууж байх юм. Тэгвэл мэргэжлийн үнэмлэхтэй малчны мах илүү үнэтэй байх болж байх шиг.  Махны үнээ яаж буулгах уу гэж байгаа бид малчны үнэмлэхээр ч яах юм билээ.Үүний оронд малчдын нийгмийн даатгалд бага ч гэсэн тус нэмэр болсон бол үр дүнтэй ажил байх байлаа.