Үндэсний телевиз
Цагийн хүрд
Найм арваннэг
Энэ сарын 24-нд Тайландын Бангкок хотноо эхэлсэн сонирхогчдын боксын залуучуудын Ази тивийн аварга шалгаруулах зургаа дахь удаагийн тэмцээнд нийт 16 орны тамирчид өрсөлдөж байгаа бөгөөд манай улсаас 49 кг-ын жинд Д.Мөнх-Эрдэнэ, 52 кг-ын жинд Э.Цэндбаатар, 56 кг-ын жинд Б.Мишээлт, 60 кг-ын жинд Э.Бат-Өлзий, 64 кг-ын жинд Г.Далай, 69 кг-ын жинд Г.Цэнгүүн нар оролцож байгаа. Энэ сарын 31-нд өндөрлөх уг тэмцээнд манай ширэн бээлийтнүүдээс 49 кг-ын жинд Д.Мөнх-Эрдэнэ, 52 кг-ын жинд Э.Цэндбаатар, 56 кг-ын жинд Б.Мишээлт нар хүрэл медалийн болзол хангаад байна. 49 кг-ын жинд өрсөлдөж буй Д.Мөнх-Эрдэнэ хүрэл медалийн төлөө Кыргызстаны тамирчин Тилек Босумбаевыг 2:1, 52 кг-ын жинд Э.Цэндбаатар Непалийн боксчин Сушан Манандарыг 3:0, 56 кг-ын жинд Б.Мишээлт Тайванийн тамирчин Чуан Вэй Лиг 2:1-ийн харьцаатай тус тус хожиж, хүрэл медалийн болзол хангалаа. Манай боскчид маргааш буюу нэгдүгээр сарын 29-нд мөнгөн медалийн төлөө өрсөлдөх ажээ.
| Гурван боксчин медалийн болзол хангалаа | ||
| Үзсэн: 1084 | Mongolian National Broadcaster |
Б.Баярсайхан
У.Баярсайхан
М.Золзаяа
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.