Шүүхийн мэргэшлийн хорооны ажлын алба энэ сарын 10-ны  09.00 цагаас 28-ны 17. 00 цагт хүртэл шүүгчид нэр дэвшигчийн өргөдөл болон түүнд хавсаргах баримт бичгийг Шүүхийн ерөнхий зөвлөлийн байранд хүлээн авах аж. Мөн нэр дэвшигч бүрдүүлэх баримт бичгийг шуудангаар болон биечлэн хүргэж бүртгүүлэхээс өмнө www.shuugch-songon.mn хаягаар хандан бүртгүүлж, аль шүүхийн шүүгчийн сул орон тоонд өрсөлдөхөө сонгож баталгаажуулсан байх ёстой гэнэ.

 

Бүртгүүлсэн нэр дэвшигчдээс шалгалт авч, үнэлгээ өгөх ажиллагааг ирэх гуравдугаар сарын 27-ноос ирэх дөрөвдүгээр сарын 9-нийг хүртэл Шүүхийн мэргэшлийн хороо хэрэгжүүлэх юм байна.  

 

Шүүгчид нэр дэвшигчдийн нэрсийн жагсаалтыг бүртгэлийн үйл ажиллагаа дууссаны дараа сонгон шалгаруулах аж. Анхан шатны шүүхийн шүүгчид нэр дэвшигч 25 насанд хүрсэн, мэргэжлээрээ гурван  жил ажлласан, давж заалдах шатны шүүхийн шүүгчид нэр дэвшигч нь анхан шатны шүүхийн шүүгчээр ажиллаж байсан туршлагатай байх ёстой юм байна. Түүнчлэн ял шийтгэл авч байгаагүй хугацаа хэтэрсэн зээлийн өргүй шүүгчээр ажиллахад харшлах сэтгэцийн эмгэггүй, шударга ёсыг эрхэмлэн хүний эрхийг дээдлэх бусдын нөлөөнд автахгүй байх гэсэн үндсэн шалгууруудыг хангасан байх ёстой аж.