Энэ удаагийн сонгуулиар нийгмийн эрүүл мэнд, эмнэлзүй, био-анагаах, эм зүй уламжлалт анагаах гэсэн дөрвөн  чиглэлээр нийт 10 эрдэмтнийг нэмж сонгох байсан бөгөөд Анагаах ухааны академийн гишүүний сонгуульд дээрх дөрвөн мэргэжлийн чиглэлээр нийт 22 эрдэмтэн нэр дэвшсэн байна. Тэдгээрээс нийгмийн эрүүл мэндийн чиглэлээр ЭМШУИС-ийн дэд захирал Н.Сүмбэрзул, ЭМШУИС-ийн НЭМС-ийн захирал О.Чимэдсүрэн, эмнэлзүйн чиглэлээр ЭМШУИС-ийн багш Р.Сандуйжав, “Шагдарсүрэн” эмнэлгийн ерөнхий захирал М.Шагдарсүрэн, “Ач” АУДэС-ийн мэс заслын тэнхмийн эрхлэгч А.Нота, УГТЭ-ийн зүрх судасны зөвлөх эмч Д.Сэржээ нар сонгогджээ.

 

Харин био-анагаахын салбарын гишүүнээр ЭМШУИС-ийн ректор Г.Батбаатар сонгогдсон бол эмзүй, уламжлалт анагаах ухааны салбарын шинэ гишүүнээр ЭМШУИС-ийн шинжлэх ухаан технологийн төвийн захирал Д.Цэрэндагва, “Монос” группийн ерөнхийлөгч Л.Хүрэлбаатар нар сонгогдсоноор Анагаах ухааны Академи есөн гишүүнээр бүл нэмлээ. Тус сонгуультай холбогдуулан нэр дэвшсэн 22 эрдэмтэн энэ сарын 24-ний өдөр ШУА-ийн Их чуулганы танхимд өнгөрсөн хугацаанд хийсэн бүтээл, судалгааны ажлын үр дүнгээсээ танилцуулсан билээ.