“Катар-2022” дэлхийн аваргын тэмцээний урьдчилсан шатанд Монголын шигшээ багтай нэг хэсэгт өрсөлдөж байгаа Тажикстаны шигшээ баг нэг тоглогчоо сахилга бат зөрчсөн хэргээр багаасаа хасчээ.

“Истравшан” багийн хагас хамгаалагч Илхом Баротов УАШТ-ий 17 дугаар тойрогт “Хатлон” багтай тоглохдоо зодоон өдүүлсэн хэргээр шигшээ багаас хасагдсан байна.

Баротов энэ сарын 15-нд Японтой хийх тоглолтыг өнжинө. Дахин шигшээ багт дуудагдах эсэх тодорхойгүй байна. Тэрбээр мөн мянган сомони буюу 103 ам.долларын торгууль хүлээжээ.