Үндэсний телевиз
Цагийн хүрд
Найм арваннэг
Бразилын хөлбөмбөгт шинэ од 17 настай Рейниерийг авах өрсөлдөөнд Арсенал, Ман Сити нэмэгдсэнийг “El Mundo Deportivo” мэдээлэв.
Энэ сарын эхээр Атлетико Мадрид тус залуу тоглогчийн агенттай хэлэлцээр хийж байгаа тухай “Diario AS” бичсэн байна. Барселона мөн түүнийг анхааралтай ажиглаж байгаа аж.
2002 онд төрсөн Рейниер Жезус Карвальо Фламенгогийн академийн төгсөгч. 1.85 нуруутай хагас хамгаалагч хүү дөнгөж өнгөрсөн найман сараас үндсэн багт дэвшсэн ч одоо аль хэдийн гарааны тоглогч болж, лигийн дөрвөн тоглолтонд гурван гоолтой явна. Энэ сарын 23-нд явагдах Копа Либертадоресийн финалд тэр оролцох нь тодорхой.
Хорхе Есүсээр удирдуулсан Фламенго Ривер Плэйтийн эсрэг Лима хотод (Перу) тоглох юм.
Фламенго энэ сарын эхээр Рейниертэй байгуулсан гэрээгээ 2024 хон хүртэл сунгаж гэрээг цуцлах үнийг 70 сая еврогоор тогтоосон. Гэхдээ ирэх өвлийн цонхоор аль нэг багтай тэр хэлэлцээр хийж эхэлбэл уг үнийг буулгах боломжтой гэж мэргэжилтнүүд үзэж байна.
Рейниер Бразилын U-17 багт 10 тоглолт хийж, зургаан гоол оруулаад байна.
| Арсенал, Ман Сити дараагийн супер одын төлөө | ||
| Үзсэн: 1169 | Mongolian National Broadcaster |
М.Золзаяа
Шог зураач Л.Мөнхбат
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.