“Монголын жинжа дайчид” шоуны шилдэг оролцогчдын нэг ЦЕГ-ын ажилтан, цагдаагийн ахлах дэслэгч Жаргалсайханы Баттулга юм. Тэрбээр тулааны спортоос гадна самбо, жүдо бөх, буудлагаар хичээллэдэг юм билээ.

Түүнээс цөөн асуултанд тодруулга авлаа.  

-“Монголын нинжа дайчид” шоунд оролцоход юу нөлөөлсөн бэ. Хэн нэгний ятгалаг байсан уу?

-Нэг найз маань надад энэ шоу болох гэж байгааг хэлж, “Чи оролцооч” гэж хэлсний дагуу өөрийг сорьж үзлээ. Сайхан санагдсан шүү.

-Энэ тэмцээн аль улсад болж байхыг нь телевиз, интернэтээр үзэж байсан бэ?

-Тэмцээнд орно гэж шийдсэнээсээ хойш л бусад оронд зохиогдсоныг нь үзсэн. Түүнээс биш өмнө нь үзэж байгаагүй ээ.

-Тэмцээнд оролцохоос өмнө танд даалгаварууд хэрхэн төсөөлөгдөж байсан бэ?

 -Гол нь авхаалж самбаа, эв дүй хэрэгтэй юм шиг санагдсан.

-Тэмцээний зохион байгуулалт, аюулгүй байдал хэр хангагдсан гэж үзэж байна вэ?

-Намрын улирал шөнө зураг авалт хийгдсэн нь оролцогчдын ур чадварыг улам шалгаж байх шиг байсан. Аюулгүй байдал ч сайн хангагдсан байсан.

-Энэхүү тэмцээнд зориулж тусгайлан бэлтгэл хийж амжсан уу?

-Яг тусгайлсан бэлтгэл хийж чадаагүй. Гэхдээ ажил үүргийн хувьд байнгын бэлтгэл хийдэг. Тэр бэлтгэлээрээ л оролцсон.

-Аль даалгавар нь хамгийн хүнд бөгөөд хялбар санагдсан бэ?

-Хамгийн эхний даалгавар хялбар байсан бол хамгийн сүүлчийн даалгавар хүнд байсан.

-“Монголын нинжа дайчид” шоу таны бодож байсанд хүрч чадав уу?

-Чадсан шүү.

-Цагдаагийн ажилтан хүн үргэлж бэлтгэлтэй байдаг. Тиймээс танд нэг их хүнд санагдаагүй байх гэж бодож байна ...

-Даалгаврууд хүнд байгаагүй ч анх удаа оролцсон болохоор туршлага дутаж байсан. Дараа жил болвол бэлтгэлээ сайн хийж байгаад даагаа нэхнэ ээ.

-Хичээллэдэг спортын төрлүүдээрээ ямар амжилт үзүүлж байсан бэ?

-Байлдааны самбо болон киокушин карате, сонсогчийн алдар, Монгол зо, 5.11 challenge практик буудлагын УАШТ-ээс шагналт байр эзэлж байсан.

-Ярилцсанд баярлалаа.