Хөлбөмбөгийн ертөнцийн 20-р зууны тод “од”-уудын нэг “Хар аалз” Лев Яшины бодит амьдралаас сэдэвлэн бүтээсэн “Вратарь моей мечты” буюу “Миний мөрөөдлийн хаалгач” кино ОХУ-ын кино театруудад нээлтээ хийжээ.

Гол дүр болох Лев Яшины дүрд Александр Фокин, Лев Яшины эхнэрийн дүрд Юлия Хлинина, түүний дасгалжуулагчийн дүрд Алексэй Гусков нар тоглож, найруулагчаар Василии Чигинский ажиллажээ.

Лев Яшин бол хөлбөмбөгийн түүхэнд хувьсгал хийж, энэхүү спортын түүхэнд Баллон Д’иор буюу дэлхийн шилдэг хөлбөмбөгчинд өгдөг шагналыг 1963 онд авсан анхны бөгөөд цор ганц хаалгач бөгөөд 20 жилийн хөлбөмбөгийн карьертаа 812 тоглолтонд оролцож, 150 гаруй торгуулийн цохилт хааж, найман удаа Европын оны шилдэг хаалгачаар тодорч, 1956 оны олимпийн аварга, 1960 оны Европын аварга болж хөлбөмбөгийн ДАШТ-ний бүх цагийг гарааны арваннэгэн тоглогчийн нэгээр сонгогдож, 20-р зууны дэлхийн шилдэг хаалгач гэсэн эрхэм хүндтэй шагналуудын эзэн болсон аж.