Мөн төрийн гурван өндөрлөгт ахмадуудад тулгамдаад байгаа асуудлын талаар мэдэгдэл, шаардлага хүргүүлэхээр болжээ. Тодруулбал, ахмадуудын гол амьжиргаа нь тэтгэвэр дээр тогтож байна. Иймд барих бодлогоо нэг мөр болгох хэрэгтэй. Түүнчлэн ахмадууд амралт сувилалд амрахад бэрхшээл их тулгарч байна. Жишээ нь Увс, Ховдоос ирж байгаа ахмадууд амралт сувиллын газарт амрахад тулгарч байгаа бэрхшээл нь мөнгө, санхүүгийн асуудал байгаа учир нь ийм мэдэгдэл, шаардлага хүргүүлэхээр болжээ.

 

Энэ үеэрээ мөн МАЧХ-той гэрээ байгуулсан. Гэрээ байгуулснаар бие биенийгээ муулаад, бие биенийхээ дотоод хэрэгт оролцоод явна гэсэн үг биш. Ахмадын төлөө сайн сайхан зүйл хийвэл хамтраад ажиллая гэсэн зарчимтай гэрээ байгуулсан  юм . Гэвч МАЧХ гэрээний  хэд хэдэн зүйлийг зарчиж байна. Тодруулбал, Хамтын ажиллагааны 2.7-д зааснаар Монголын ахмадын холбоо түүний салбаруудын бие даасан байдлыг хангаж ажиллана. Дотоод бүтэц зохион байгуулалтад нь оролцохгүй. Өөрөөр хэлбэл, ажиллах бололцоог хангана. МАЧХ нь ахмадуудын нийтлэг арга хэмжээнд зориулсан үйл ажиллагаа явуулвал Монголын ахмадын холбооны салбар нэгжүүдээр гүйцэтгүүлнэ гэсэн байдаг. Ингээд ТББ-ын үйл ажиллагааг зөрчиж байна гэж хэлж байсан. Гэхдээ энэ холбоог хууль бус байгууллага гэж хэлж байгаагүй гэсэн юм.

 

2013 оны байдлаар  уг холбоонд  31 ахмадын хороо ажиллаж байгаа бөгөөд 7342 удаа ахмадуудаа хүлээн авч уулзжээ. Энэхүү уулзалтад 2900 гаруй настан хамрагдсан байна.