"ITM 2014" үзэсгэлэн зохион байгуулав

Шуурхай:

"ITM 2014" үзэсгэлэн зохион байгуулав

2014-03-26 15:29:51

1999 оноос эхлэн аялал жуулчлалын “International Travel Mart” үзэсгэлэнг жил бүрийн гуравдугаар сард уламжлал болгон Монголын аялал жуулчлалын холбооноос зохион байгуулдаг. Энэ жилийн хувьд "ITM 2014" үзэсгэлэн энэ сарын 22-23-ны өдрүүдэд "Мишээл экспо" төвд зохион байгуулагдсан юм. Уг үзэсгэлэн яармаг нь аялал жуулчлалын бизнес эрхлэгчид болон тэдгээрийн үйлчилгээний байгууллагууд, жуулчдад бүтээгдэхүүнээ борлуулдаг Үндэсний үйлдвэрлэгчдийн хувьд Монголд зохиогддог хамгийн том арга хэмжээ төдийгүй аялал жуулчлалын бизнес эрхлэгчдийг хооронд нь холбож, шинэ бизнесийн түнш олох, хуучин түншүүдтэйгээ уулзах, мэдээллээ солилцох, гэрээ хэлэлцээр хийх, бараа бүтээгдэхүүнээ сурталчлах, борлуулах зэрэг төрөл бүрийн бизнесийн боломжууд бүрдүүлж өгдгөөрөө онцлог юм байна. Энэ жил өргөн хүрээтэй зохион байгуулагдаж 16 аймаг, 51 төрийн болон төрийн бус аж ахуйн нэгж, байгууллагуудыг оролцуулсан байна.

Тэдгээрийн дундаас “Монголын залуучуудыг дэлхийгээр хөтөчлөнө” уриатай залуучуудад зориулсан гадаад, дотоод аялал, аялал жуулчлалын олон сонирхлын багцуудыг санал болгодог МЗХ-ны дэргэдэх Залуучуудын Аялал Жуулчлалын Корпораци анх удаа оролцлоо. Өөрийн үйл ажиллагаагаа үзэсгэлэнд оролцогчид, хэрэглэгчдэд сурталчлан таниулж, тээврийн байгууллагууд, зочид буудал, жуулчны бааз, зоогийн газар, тур операторууд болон бусад холбогдох байгууллагуудтай хамтын ажиллагааны гэрээ байгуулж монгол залуустаа чиглэсэн олон үйл ажиллагааг төлөвлөн зохион байгуулахаар болжээ. Монголын Залуучуудын Аялал Жуулчлалын Корпораци одоогоор “Бээжин хотоор аялангаа 16 дахь удаагийн олон улсын Эрүүл мэндийн үзэсгэлэн үзэх сургалт, танин мэдэхүйн аялал”, “Монгол Фанат-Бразилд хөл бөмбөгийн тоглолт үзэх аялал”, “Beyond The Music- олон улсын хөгжмийн наадам үзэх Испани улс, Барселона хот, Бенаскын аялал”, төгсөгч ангийн оюутнуудад зориулсан хонхны баярын аяллуудаа Бээжин, Хөх хот-Ордос, Байгаль нуур- Итгэлт Хамба зэрэг чиглэлүүдэд зохион байгуулж байгаа юм байна.

Нийтэлсэн: А.Бүдрагчаа

	"ITM 2014" үзэсгэлэн зохион байгуулав
Үзсэн: 1241	Mongolian National Broadcaster

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.