Үндэсний телевиз
Цагийн хүрд
Найм арваннэг
Улсын аварга шалгаруулах 2014 оны өсвөр үеийн ширээний теннисний тэмцээн “Оч” клубт эхэлж хот, хөдөөгийн 31 дунд сургуулийн 400 гаруй тамирчин өрсөлдөж эхэллээ.
“Грийн Сити” ХХК нь тус тэмцээнийг хоёр дахь жилдээ ивээн тэтгэж байгаа бөгөөд энэ тэмцээнд түрүүлсэн өсвөрийн тамирчин Японы Токио хотноо болох ширээний теннисийн дэлхийн аварга шалгаруулах тэмцээнд оролцох эрхтэй болох юм.
УАШТ-ий нээлтийн үеэр ССАЖЯ-ны Биеийн тамир, спортын бодлогын хэрэгжилтийг зохицуулах газрын дарга Х.Бакытжан өсвөрийн тамирчдад амжилт хүсээд, энэ спортыг Монголд хөгжүүлэхэд үнэтэй хувь нэмэр оруулж байгаа Монголын ширээний теннисийн холбоо /МШТХ/ болон хамтрагч байгууллагуудад талархал илэрхийллээ.
"2014 оны өсвөрийн УАШТ-ээр тамирчдын залгамж халааг тодруулах, оны шилдэг өсвөрийн тамирчдыг тодруулах, чансааг тогтоох, арга техник, туршлагаа солилцох нь хамгийн чухал" гэдгийг МШТХ-ны дэд ерөнхийлөгч Ц.Гантулга онцлолоо.
Тэмцээн эрэгтэй, эмэгтэй ганцаарчилсан болон хос, холимог багийн төрлөөр гурван насны ангилалд аваргуудаа шалгаруулах юм.
Олон улсын ширээний теннисийн дүрэм ёсоор өсвөрийн тамирчдыг 12-оос доош, 13-15, 16-18 гэсэн насны ангиллаар аваргуудыг тодруулдаг уламжлалтай аж.
| Өсвөрийн 400 гаруй теннисчин УАШТ-д оролцож байна | ||
| Үзсэн: 3342 | Mongolian National Broadcaster |
М.Золзаяа
Б.Цоожчулуунцэцэг
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.