Монгол Улсын Засгийн газрын 2010 оны 36 дугаар тогтоолоор баталсан "Шинжлэх ухаан, технологийн төсөл, сэдэвт ажил хэрэгжүүлэх журам"-ын дагуу 2014 оноос эхлэн хэрэгжүүлэх шинжлэх ухаан, технологийн төслийг дараах чиглэлүүдээр зарлаж байна. Сонгон шалгаруулалтад оролцох төслийн саналыг энэ сарын 22-ны өдрийн 17:00 цаг хүртэл Боловсрол, шинжлэх ухааны яамны 503 тоот өрөөнд хүлээн авна.

 

Сонгон шалгаруулалтад оролцогч "Шинжлэх ухаан, технологийн төсөл, сэдэвт ажил хэрэгжүүлэх журам"-ыг баримтлан төслийн саналыг боловсруулна.

 

Төслийг хэрэгжүүлэх багийн чадавхи, салбар мэргэжлийн эрдэмтдийн оролцоо, богино хугацаанд гүйцэтгэх боломж, лаборатори, туршилтын бааз, эрэлт хэрэгцээнд нийцсэн байдал, санхүүжилтийн тооцоо бодит эсэх зэргийг гол үзүүлэлт болгон шалгаруулна. Төслийн нэг жилийн зардал 100.0 сая төгрөг хүртэл байна.