-Баярлалаа, сайхан наадаж байна. Сүүлийн жилүүдэд миний хувьд амжилтаар дүүрэн он цагууд хөвөрч байгаад баяртай байгаа. Тиймээс, Буриад сурын төрөлд гурван жил завсаргүй түрүүлсэн маань маш их бэлтгэл сургуулилт болоод хичээл зүтгэлийн маань үр шим гэж би ойлгож байна.

 

Түүнчлэн энэ жилийн наадамд шинэ залуу харваачид ихээр хүч түрэн орж ирэн цус сэлбэж байгаа нь өөрөө их өнгөлөг хийгээд наадмыг илүү сонирхолтой өрсөлдөөнтэй болгож байгаад баяртай байна. Учир нь Монгол түмний үндэсний сур харваа гэх уламжлалт энэхүү спорт маань нэгэн үе мартагдах шахаж байсан юм. Гэтэл өнөөдөр бараг хэний ч тоохгүй байсан үндэсний уламжлалт спортоор сонирхон хичээллэх хүүхэд, залуучууд олноор бий болжээ. Цаашид ч эдгээр олон хүүхэд, залуучууд маань үндэсний уламжлалт сур харвааг авч явж хөгжүүлэн шинэ шатанд гаргана гэдэгт итгэлтэй байна.

 

Бүх аймаг, сумдаас ирсэн энэ олон шинэ үеийн тамирчин хүүхэд, залуучуудыг хараад ахмадууд бид  урам зоригоор дүүрэн сайхан наадаж байна даа.

 

 

 

-Тийм ээ, манай гэр бүл том охиноос маань бусад нь бүгд харвадаг. Гэр бүлийн хүн маань, дунд хүү бид гурав спортын мастер л даа.

 

Гэр бүлээрээ харвахын ач холбогдол, тус гэж бас бий. Өөрөөр хэлбэл нэг нэгнийхээ алдаа оноог хөндлөнгөөс харж, хэлж, зааж, засч, зөвлөж өгдөг сайн талтай. Мөн аливаа тэмцээн, уралдаан, наадмын шийдвэрлэх мөчийн өмнө анхаарал төвлөрүүлэх, сэтгэл санааг нь тайван байлгах талаар бие бие дээ санаа тавьж, орчинг бүрдүүлдэг. Тэр тусмаа нөхөр маань энэ спортыг маш сайн ойлгон, биднийг дэмжиж, өөрөө ч бахдам амжилт гаргаж байгаад баяртай байдаг даа. Нөхрийг маань Базарын Батбаатар гэдэг. Сая Буриад сурын төрөлд II байр эзэлсэн. Харин хоёр бага хүү болох Б.Төгсжаргал, Б.Төгс-Эрдэм хоёр маань энэ жил гурав дөрвөн хоногийн өмнө БНХАУ дахь тус тусынхаа их, дээд сургуулийг төгсөж ирсэн,өсөх ирээдүйтэй харваач тамирчид байдаг. Дунд хүү Б.Төгсжаргал маань мөн спортын мастер цолын болзолыг уржинан жилийн наадмаар хангасан.