Үндэсний телевиз
Цагийн хүрд
Найм арваннэг
Нийслэлийн Чингэлтэй дүүргийн тавдугаар хорооны нутаг дэвсгэр “Тэнгис” кино театрын зүүн урд талд 2012 оны 09 дүгээр сарын 12-ны өдөр барилга дээрээс тулгуур төмөр унаж иргэн Б.Чойжилсүрэнг цохиж амь насыг нь хохироосон харамсалтай хэрэг гарч байсан.
Уг хэргийг Чингэлтэй дүүргийн Цагдаагийн нэгдүгээр хэлтсийн ахлах мөрдөн байцаагч, цагдаагийн хошууч Н.Жамъяандорж мөн оны 09 дүгээр сарын 17-ны өдөр Эрүүгийн хуулийн тусгай ангийн 138 дугаар зүйлийн 138.2 дахь хэсэгт зааснаар Т.Батбилэг, М.Цогтгэрэл, И-Сан-Ёоль нарт холбогдуулан эрүүгийн хэрэг үүсгэн мөрдөн байцаалтын ажиллагаа явуулж эхэлсэн юм. Хэргийн мөрдөн байцаалтыг үргэлжлүүлэн прокурорт шилжүүлснээр хяналтын прокурор А.Дэлгэрмөнх 2014 оны 03 дугаар сарын 06-ны өдөр Эрүүгийн хуулийн тусгай ангийн 183 дугаар зүйлийн 183.1 дэх хэсэгт зааснаар яллах дүгнэлт үйлдэж хэргийг дүүргийн 1 дүгээр шүүхэд шилжүүлсэн байна.
Хэргийг энэ сарын 22-ны өдөр хянан хэлэлцээд шүүгдэгч Т.Батбилэг, И-Сан-Чоль нарт эрүүгийн хуулийн тусгай ангийн 183 дугаар зүйлийн 183.1 дэх хэсэгт зааснаар хөдөлмөрийн хөлсний доод хэмжээг 70 дахин нэмэгдүүлсэнтэй тэнцэх хэмжээний буюу 9.828.000 төгрөгөөр торгох ял, шүүгдэгч М.Цогтгэрэлийг нэг жил 6 сар тэнсэн харгалзах ял тус тус оногдуулж шийдвэрлэжээ.
| Барилгын осолтой холбоотой хэргийг хянан шийдвэрлэлээ | ||
| Үзсэн: 1257 | Mongolian National Broadcaster |
М.Золзаяа
Б.Цоожчулуунцэцэг
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.