Үндэсний телевиз
Цагийн хүрд
Найм арваннэг
МҮОНРТ-ийн Ерөнхий захирлын нээлттэй сонгон шалгаруулалтын хугацааг ирэх арванхоёрдугаар сарын 2 хүртэл сунгасныг МҮОНРТ-ийн Үндэсний зөвлөлөөс мэдэгдэв.
Тус зөвлөл өнөөдөр онлайнаар хуралдаж, ийнхүү шийдвэр гаргасан байна.
Учир нь Монгол Улсын Засгийн газраас орон даяар гамшгаас хамгаалах бүх нийтийн өндөржүүлсэн бэлэн байдалд шилжсэн хатуу хөл хорионы дэглэмийн хугацааг 14 хоногоор сунгасантай холбогдуулан шийдвэрлэсэн аж.
Иймд дээрх албан тушаалд нэрээ дэвшүүлэхийг хүссэн иргэд материалаа халдвар ариутгалын журмыг нягт баримтлан ирэх арванхоёрдугаар сарын 2-ны өдрийн 18:00 цаг хүртэл баталгаат шуудангаар битүүмжлэн ирүүлэх шаардлагатай юм.
Шуудангийн хаяг: МҮОНРТ-ийн Үндэсний Зөвлөлд, Баянгол дүүрэг XI хороо, Улаанбаатар хот 16061, Монгол Улс
Сонгон шалгаруулалтын журмыг МҮОНРТ-ийн www.mnb.mn сайтын нүүр хуудсанд /2020.11.03/ байршуулсан болно.
Тодруулах асуудлаар Үндэсний зөвлөлийн Ажлын албаны 11-311821, үүрэн телефоны 94102162 дугаараар хандана уу.
| МҮОНРТ-ийн Ерөнхий захирлын сонгон шалгаруулалт ирэх сарын 2 хүртэл хойшлогдлоо | ||
| Үзсэн: 664 | Mongolian National Broadcaster |
Б.Баярсайхан
У.Баярсайхан
М.Золзаяа
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.