Монголын эрдэмтэд газар тариалангийн салбарт шинэ технологи нэвтрүүлжээ. ХААИС-ийн Эрдэм шинжилгээний сургалт үйлдвэрлэлийн “Нарт” төв, “Очир-Алдар” компанитай хамтран лабораторид элитролизийн аргаар ионжуулсан ус, хүчиллэг ус болон ашигт бактерийн бордоо гэсэн гурвалсан бүтээгдэхүүн гаргажээ.  

Уг эко багц буюу эдгээр гурвалсан бүтээгдэхүүнүүдийг үр тариа, тэжээлийн ургамал, хүнсний ногоо болоод хадлан бэлчээрийн ургац, хөрсний үржил шимийг нэмэгдүүлэх, доройтсон бэлчээр, газар тариалангийн салбарт ашиглана.

Тэд үйлдвэрлэлийн нөхцөлд Төв, Сэлэнгэ, Булган аймгийн хэд хэдэн аж ахуйн нэгжид нийт арваад мянган га талбайд үр тариа, хүнсний ногоо, жимс жимсгэнэ, мод үржүүлгийн талбаруудад туршиж, үр дүнг нь баталгаажуулжээ.

Түүнчлэн ионжуулсан шүлтлэг усаар усалсан үр богино хугацаанд өндөр ургалттай үрсэлж байсан бол хөрсөнд суулгасны дараа ионжуулсан хүчиллэг усаар хөрсийг бордоход үрсэлгээ сайн ургаж байсан гэдгийг эрдэмтэд нотолжээ.

Энэхүү гурван багц эко бүтээгдэхүүнийг арав гаруй жилийн хугацаанд тэд судлаж гаргасан бөгөөд хамгийн хямд өртгөөр хийж байгаа гэнэ.

Тус бүтээгдэхүүнд химийн ямар ч бодис ороогүй бөгөөд усыг хоёр хуваан үхсэн ус, амьд ус болгон гаргаж буйгаараа онцлогтой юм.