Үндэсний телевиз
Цагийн хүрд
Найм арваннэг
Японд зохион байгуулагдсан Канагавагийн Дэлхийн хүүхдийн урлагийн үзэсгэлэнгийн 2021 оны бүтээл шалгаруулах уралдааны шагналт байранд Монгол Улсаас Б.Лочингийн бүтээл шалгарчээ.
Тэрбээр Говь-Алтай аймгийн Есөнбулаг сумын гуравдугаар сургуулийн 10а ангид сурдаг аж.
1981 оноос хойш хоёр жил тутамд зохиож буй уг үзэсгэлэнгийн энэ удаагийн шалгаруулалтад 56 орны 8062 бүтээл ирснээс “Канагавагийн шагнал” нэртэй шагналт байранд Монгол хүүхдийн бүтээл багтсаныг Гэр бүл, хүүхэд залуучуудын хөгжлийн газраас мэдээлэв.
Тус газрын харъяа Сургалт, судалгаа, мэдээллийн төв, “Хүүхдийн хөгжил, оролцооны үндэсний сүлжээ” ТББ хамтран НҮБ-ын Хүүхдийн Сан, БНСУ-ын КОЙКА ОУБ-ын санхүүлжилтээр “Уур амьсгалын өөрчлөлт ба хүүхдийн эрх” төсөл хэрэгжүүлж буй.
Энэ хүрээнд төслийн гурван аймаг болох Завхан, Говь-Алтай, Баянхонгор аймагт уур амьсгалын өөрчлөлт, түүний хүүхдэд нөлөөлөх нөлөөний талаар ойлголт мэдээлэл түгээх зорилгоор гар зургийн уралдаан зарлажээ. Уг уралдаанаас шалгарсан бүтээлүүдийг Японы Канагавагийн Дэлхийн хүүхдийн урлагийн үзэсгэлэнгийн уралдаанд илгээсэн байна.
| Дэлхийн хүүхдийн урлагийн үзэсгэлэнгийн уралдаанд Б.Лочингийн бүтээл шалгарчээ | ||
| Үзсэн: 2369 | Mongolian National Broadcaster |
Б.Баярсайхан
У.Баярсайхан
М.Золзаяа
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.