Шилдэг хөлбөмбөгчдийн нэг Патрис Евра К.Роналдагийн талаар магтаалын үг хэлжээ. Гэхдээ зарим хүн үүнийг нь буруугаар хүлээж авах ч ёстой л хөл бөмбөг тоглохоор төрсөн хүн юм гэдгийг нь нотолж байна.

Тэрбээр "Хэрвээ К.Роналдо чамайг гэртээ уривал зүгээр л “Үгүй” гэж хэлээрэй. Тэр нэг удаа надад “Патрис, бэлтгэлийн дараа манайх руу явья” гэсэн юм. Би явсан л даа. Гэхдээ үнэхээр ядарсан шүү. Ширээн дээр зөвхөн салад, цагаан тахиа л байсан. Ус ч байхгүй, жүүс ч байгаагүй. Өнөөхийг нь идэж эхлэхдээ “За, араас нь сайхан мах ирэх нь дээ” гэж бодож байтал юу ч ирээгүй. Роналдо идэж дуусаад босонгуутаа бөмбөгөөр тоглож эхэллээ. Алив хоёр хүрэлтээр жаахан тоглоё гэж байна. Тэгээд би тоглосон. Дараа нь бассэйн явж сэлье гэж байна. Би ч дурамжхан “Окэй” гэлээ. Сэлж дуусаад жакуззи, саунд орлоо. Тэгээд л би ямар ч тэнхэлгүй болсон юм даа. Ийм болохоор л хэрвээ Кристиано чамайг гэртээ уривал битгий очоорой. Зүгээр л “Үгүй” гэж хэл. Яагаад гэвэл тэр залуу бол машин. Тэр бэлтгэлээс хөндийрөх дургүй" гэсэн байна.

Ингэж байж л амжилтад хүрдэг гэдгийг хэлээд байх шиг ээ.