Кино, телевизийн нэрт найруулагч Бадраагийн Бадрууганы нэрэмжит “Анхны бүтээл-9” медиа урлагийн шилдэг бүтээл шалгаруулах оюутны наадам болж шилдгүүдээ шалгаруулжээ.

Энэ жилийн наадамд Монгол, Турк, ОХУ, БНХАУ, БНСУ гэсэн таван улсын оюутан оролцсон байна.

Шилдэг богино хэмжээний кино бүтээл: “MARRIAGE”

БНХАУ-ын ӨМӨЗО-ны Багшийн их сургуулийн Сонин мэдээллийн дээд сургуулийн найруулагчийн гуравдугаар курсийн оюутан Ван Зи Пин, Ан Жиа Ки нарын бүтээл

Радиогийн шилдэг бүтээл: АНУДАР

СУИС-ийн Радио Телевиз Медиа Урлагийн сургуулийн Сэтгүүлчийн дөрөвдүгээр курсийн оюутан Ё.Дүүрэнжаргалын бүтээл

Шилдэг анимейшн, компьютер графикийн бүтээл: NOMUGUN

СУИС-ийн Радио Телевиз Медиа Урлагийн сургуулийн Анимейшний дөрөвдүгээр курсийн оюутан Х.Бүрэнтөгсийн бүтээл

Шилдэг гэрэл зургийн мультимедиа бүтээл: ТЭС ХЭМ

СУИС-ийн Радио Телевиз Медиа Урлагийн сургуулийн Зураглаачийн дөрөвдүгээр курсийн оюутан Б.Ирээдүйгийн бүтээл

Телевизийн шилдэг бүтээл: СОШИАЛ ДАХЬ ӨНЧИН ХҮҮХДҮҮД

СУИС-ийн Радио Телевиз Медиа Урлагийн сургуулийн Сэтгүүлчийн дөрөвдүгээр курсийн оюутан Б.Сэргэлэн, Анимейшний дөрөвдүгээр курсийн оюутан Х.Батболд нарын бүтээл

Шилдгийн шилдэг бүтээл: A TALE OF TINY CHAMPION

СУИС-ийн Радио Телевиз Медиа Урлагийн сургуулийн оюутнуудын “PARACOSM” баг