Үндэсний телевиз
Цагийн хүрд
Найм арваннэг
Дэлхийн тамхины эсрэг өдрийг энэ жил "Тамхинаас гарахаар шийд" уриан дор тэмдэглэн, тамхины эрүүл мэнд, эдийн засаг, нийгэмд үзүүлэх эрсдэлийг тооцож, "Тамхигүй дэлхий" болохыг уриалж байна.
Тамхины хэрэглээ дэлхий даяар цар тахлын хэмжээнд хүрч жил бүр тамхидалтын улмаас 8 сая гаруй хүн амь насаа алдаж байгаа бөгөөд эдгээрийн 1.2 сая нь дам тамхидалтын шалтгаантай байна. Эдгээр тохиолдлын ихэнхийг хөгжиж буй улс орны хөдөлмөрийн насны ( 30-69 нас) хүн ам эзэлж байна.
Монгол Улсын хүн амын 24.2 хувь (эрэгтэй-43.7 хувь, эмэгтэй-5 хувь) тамхи татаж байгаа бөгөөд тэдгээрийн 96.8 хувь тамхийг өдөр бүр тогтмол татаж байна. Мөн 10 хүн тутмын 3 нь (32.8 хувь) гэртээ, 4 хүн тутмын 1 (22.6 хувь) нь ажлын байрандаа дам тамхидалтад өртөж байна.
Манай улсад төдийгүй дэлхий даяар нас баралтын тэргүүлэх шалтгаан болоод байгаа зүрх судасны өвчин, хорт хавдар, амьсгалын замын архаг өвчин, чихрийн шижин зэрэг сэргийлж болох халдварт бус өвчнүүдийн хамгийн том шалтгаан нь тамхидалт юм.
Тиймээс та яг одоо тамхинаас гарахаар шийдэж, өөртөө болон хайртай дотны хүмүүстээ урт удаан, аз жаргалтай амьдрах боломжийг олгоорой.
| Тамхигүй дэлхий болохыг уриалж байна | ||
| Үзсэн: 1585 | Mongolian National Broadcaster |
М.Золзаяа
Б.Цоожчулуунцэцэг
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.