Үндэсний телевиз
Цагийн хүрд
Найм арваннэг
Монголын шилдэг тулаанчдын нэг "Spear" хочит Ц.Амарсанаа холимог тулааны дэлхийн шилдэг холбоо болох “One Championship”-д гурав дахь тулаанаа хийж өрсөлдөгчөө ялав.
Түүнийх "ONE: FULL BLAST II" тэмцээний гол тулаануудын нэг байсан бөгөөд "Lightweight" жинд Америкийн Билл Вилхелмтэй гурван үеийн турш нийт 15 минут тулалдаж эцэст нь шүүгчдийн саналаар Ц.Амарсанаа “One Championship” холбооны хоёр дахь ялалтаа авлаа.
"MGL-1 Lightweight Championship"-т 5:1 амжилттай байсан Ц.Амарсанаагийн хувьд 2019 оны хоёрдугаар сарын 16-нд “One Championship”-ийн эхний тулаанаа хийж ялсан юм. Харин тухайн оны арваннэгдүгээр сард тоглосон хоёр дахь тулаандаа ялагдсанаас хойш цар тахлын улмаас албан ёсны тулаан хийгээгүй байсан юм.
Түүний энэ удаагийн өрсөлдөгч Билл Вилхелм 5:0 амжилттай байсан ч “Оne Championship”-д хийсэн эхний тулаандаа ийнхүү ялагдал хүлээлаа.
| "Spear" хочит Ц.Амарсанаа “One Championship”-д хоёр дахь ялалтаа авлаа | ||
| Үзсэн: 854 | Mongolian National Broadcaster |
М.Золзаяа
Б.Цоожчулуунцэцэг
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.