"Аль-Каида” алан хядагч байгууллагын амиа золиослогч террористууд 2001 оны 9-р сарын 11-ний өдөр зорчигч тээврийн дөрвөн онгоцыг булаан эзэлсэн. Улмаар хоёр нь Дэлхийн худалдааны төвийн ихэр хоёр цамхагийг мөргөсөн харамсалтай явдал гарч олон хүний сэтгэлд хар толбо үлдээсэн билээ.

 

Тиймдээ ч энэ өдөр халдлагад өртөж амиа алдсан талийгаачдыг дурсан Нью-Йорк хотын Дэлхийн худалдааны төвийн барилгын суурин дээр энэ өдрийг дурсах үндэсний цогцолбор байгуулахаар шийдэж зарим үзвэр үзэсгэлэн 2011 оны 9-р сард нээгдэж байсан. Харин өчигдөр энэ өдрийг дурсах музейн нээлт болж Ерөнхийлөгч Обама гэргийн хамт оролцож, үг хэлсэн байна. Тэрбээр хэлэхдээ, “9-р сарын 11-ний өдөр болсон харамсалтай хэрэг бидэнд хайр, шаналал, золиослол үлдээж нийт америкчуудад аливаа террорист үйлдлийн эсрэг тэмцэх зориг хайрласан” гэжээ.