Тус сургуулийг гамшгаас хамгаалах орон тооны бус штаб, мэргэжлийн ангийн дарга, Бүсийн оношилгоо, эмчилгээний төвийн захирал Д.Энхмандах, Эрүүл мэндийн газрын яаралтай гамшгийн үеийн тусламж үйлчилгээ хариусан мэргэжилтэн Б.Төгсөө нар удирдан явуулав. 

 

Сургалтын дадлага ажлын хүрээнд хүчтэй газар хөдлөлтийн улмаас үүссэн барилгын нурангид эрэн хайх, аврах ажиллагаа зохион байгуулах үед эрүүл мэндийн албаны хүн амыг аюулгүй газар руу нүүлгэн шилжүүлэх, хүний гоц халдварт өвчин гарсан тохиолдолд хээрийн эмнэлэг дэлгэн ажиллуулах зэрэг үйл ажиллагааг зохион байгуулсан байна.  

 

Гамшгаас хамгаалах команд штабын үзүүлэх сургуульд Онцгой байдлын хэлтэс, Эрүүл мэндийн газар, Бүсийн оношилгоо, эмчилгээний төв, Даланзадгад сумын гурван өрхийн эрүүл мэндийн төвийн нийт 110 хүн, 20 гаруй машин техник оролцлоо.  

 

Сургуулилтын үр дүнд Эрүүл мэндийн албаны гамшгаас хамгаалах орон тооны бус штаб, мэргэжлийн ангийн удирдах бүрэлдэхүүнүүд бэлэн байдлын зэрэгт шилжин ажиллах, аюул, осол, газар хөдлөлтийн улмаас үүссэн эрсдэлтэй нөхцөл байдлын үед хэрхэн ажиллах, хор уршгийг шуурхай арилгах, болзошгүй эрсдлээс урьдчилан сэргийлэх талын мэдлэг, дадлага, чадварыг дээшлүүлж, бататгасан үйл ажиллагаа болжээ.