Үндэсний телевиз
Цагийн хүрд
Найм арваннэг
Монгол Улсын гавьяат тамирчин Э.Цэндбаатар өнөөдөр хүрэл медалийн төлөө Оросын боксчин Альберт Батыргазиевтай тулалдана. Тэрээр эхний тойрогт Африкийн аварга, Африкийн наадмын хүрэл медальт, Кенийн Николас Окоттой таарч, 3:2 харьцаатай ялалт байгуулсан. Дараа нь Вьетнамын Нгуен ван Дуонгийг 5:0 ялсан.
Түүний энэ удаагийн өрсөлдөгч нь ОХУ-ын дөрвөн удаагийн аварга (2017, 2018, 2019, 2020), мэргэжлийн боксоор WBA Asia буюу Азийн аварга болж байсан боксчин юм.
Мэргэжилд гурван удаа тоглохдоо бүгдэд нь цагаас нь өмнө хүнд цохилтоор ялж байсан аж.
Дагестан үндэстэн тэрбээр өдгөө 23 настай. Дасгалжуулагч нь Руслан Куштанов, “ЦСКА” багынх бөгөөд ОУХМ цолтой юм.
Олимпын аварга болох мөрөөдөлтэй тул 2016 онд кикбоксоо орхиж, боксын спортод шилжсэн гэдэг. 2017 онд анх удаа боксын УАШТ-д оролцож, шууд түрүүлж байжээ.
2019 оны ДАШТ-д шөвгийн наймд Кубын Ласаро Альварест ялагдсан. Шүтдэг тамирчин нь Филиппины боксчин Мэнни Пакья гэнэ.
| Гавьяат тамирчин Э.Цэндбаатар өнөөдөр хүрэл медалийн төлөө тулалдана | ||
| Үзсэн: 3258 | Mongolian National Broadcaster |
М.Золзаяа
Б.Цоожчулуунцэцэг
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.