Үндэсний телевиз
Цагийн хүрд
Найм арваннэг
Эрүүл мэндийн яам, Дэлхийн эрүүл мэндийн байгууллага, Нийгмийн эрүүл мэндийн үндэсний төв, Сэтгэцийн эрүүл мэндийн үндэсний төв болон Нийслэлийн эрүүл мэндийн газрууд хамтран “Тамхины татварыг нэмэгдүүлэх замаар хэрэглээг бууруулах боломж” сэдэвт хэлэлцүүлгийг энэ сарын 26-нд буюу өнөөдөр 14.00-17.00 цагт Төрийн ордны “Иргэний танхим”-д зохион байгуулах гэж байна.
Хэлэлцүүлэгт Эрүүл мэндийн дэд сайд Ж. Амарсанаа, УИХ-ын гишүүн Л.Эрдэнэчимэг, ДЭМБ-ын Суурин төлөөлөгч Др. Су Нюунт-У болон мэргэжлийн бусад хүмүүс оролцох аж.
Манай улсад тамхинаас үүдэлтэй өвчин эмгэг хүн амын өвчлөл, нас баралтын үндсэн шалтгаан болж, сүүлийн 10 жилд зүрх судасны эмгэгээр нас барах явдал хоёр дахин нэмэгдэж, нас барж байгаа гурван хүн тутмын нэг нь зүрх судасны эмгэг, таван хүн тутмын нэг нь хавдрын улмаас эндэж байгаа гэсэн судалгаа байдаг аж.
“Тамхины татварыг нэмэгдүүлэх замаар хэрэглээг бууруулах боломж” сэдэвт хэлэлцүүлгийг зохион байгуулагчид тамхины татварыг нэмэгдүүлэх үндэслэлдээ манай нийт хүн амын тамхины хэрэглээ төдийлөн буурахгүй байгаа болон хүүхэд залуучуудын тамхины хэрэглээ нэмэгдэх хандлагатай, үүнээс үүдэн өвчлөл нас баралт нэмэгдсээр байгаа учраас бага байгаа тамхины татварыг нэмэгдүүлэх замаар хэрэглээг бууруулах, өвчлөл нас баралтаас сэргийлэх, төсвийн орлогыг нэмэгдүүлэх боломж байна гэж дурджээ.
| Тамхины татварын асуудлаар хэлэлцүүлэг хийнэ | ||
| Үзсэн: 1531 | Mongolian National Broadcaster |
М.Золзаяа
Б.Цоожчулуунцэцэг
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.