МҮОНРТ-ийн Ерөнхий захирал А.Бүрэнбаатарын урилгаар Унгар Улсаас Монгол Улсад суугаа Онц бөгөөд Бүрэн эрхт Элчин сайд, хатагтай Борбала Обрушански МҮОНРТ-д зочиллоо.

Түүнтэй Унгарын Элчин сайдын яамны Олон нийттэй харилцах албаны Ерөнхий нарийн бичгийн дарга Г.Хишигбадам хүрэлцэн ирсэн юм.

МҮОНРТ-ийн удирдлагууд Унгарын үндэсний телевиз хороотой хамтран ажиллах санамж бичигт гарын үсэг зурахад бэлтгэж байгаа бөгөөд энэ хүрээнд тэд ийнхүү уулзалдаж, санал солилцов.   

Борбала Обрушански МҮОНРТ-ийн зарим студи, редакцийн өрөөтэй танилцсанаас гадна Унгарын Засгийн газрын тэтгэлэгт хөтөлбөрт МҮОНРТ-ийн зарим ажилтныг бакалавр, магистр, докторын зэрэгт хамруулах, хэлний бэлтгэлд ч суралцуулах тухай дуулгасан юм.

Мөн МҮОНР-ийн архивыг дижитал болгоход зориулсан тоног төхөөрөмжөөр хангах, архивын өрөө тасалгааг сайжруулах, тус архивыг хамгаалахтай холбогдуулан туслалцаа үзүүлэхээ мэдэгдлээ.

МҮОНРТ-ийн зүгээс Унгарын төв телевизэд контент нийлүүлэх, “MNB World” сувгийг дээрх улсад кабелийн суваг болгон түгээх талаар ярилцсан юм.