“Архигүй Хэнтий” хөтөлбөрийн хүрээнд “Архигүй төгсөлт” уриан дор эрдмийн баяраа тэмдэглэж байна. “Мөнгөн хонхны баяр”, “Эрдмийн баяр” гэсэн сайхан нэртэй баяр ёслол хийж, төгсөлтийн баяраа тэмдэглэдэг ч энэ үеэр өсвөр насныхан архидан согтуурч, үүнээс үүдэлтэй гэмт хэрэг, авто тээврийн осол гарч, амь насаа алдах тохиолдол гардаг юм. Тиймээс энэ жил Хэнтий аймгийн дунд сургуулиуд “Архигүй төгсөлт” уриан дор хонхны баяраа тэмдэглэх юм байна.