“Монгол арт” галерей энэ сарын 16, 17-нд "Нээлттэй өдөрлөг" зохион байгуулах гэж байна.

Өдөрлөгийн үеэр галерейн танхимд гарч байгаа үзэсгэлэн, зураачдын мастер класс, сургалтын үйл ажиллагаатай танилцах боломжтой аж.

Түүнчлэн зураач Б.Батжингийн “Навчсын анир”, “Томужин” сургуулийн сурагчдын үзэсгэлэн, Рой Чапмэн Эндрюс Монголд гэрэл зургийн үзэсгэлэн, “Намар” зураач, уран бүтээлчдийн хамтарсан үзэсгэлэнг сонирхож болох нь ээ.

Мөн дүрслэх урлагийн ном, хүүхдийн зурагт номын худалдаа, Итали модон жааз, уран зургийн худалдаа, Монгол бийр зургийн сургалтын танилцуулга болох юм байна.