Өнөөдөр 10.00-13.00 цагийн хооронд МҮОНРТ-ийн хамт олон цусаа хандивлаж байна. Энэ ажлын хүрээнд Цус сэлбэлт судлалын үндэсний төвөөс долоон хүний бүрэлдэхүүнтэй явуулын баг иржээ. МҮОНРТ-ийн хамт олны дунд байнгын донор хүмүүс олон байдаг бөгөөд жил болгон цусаа хандивладаг уламжлалтай болжээ. Иймдээ ч “Донор хамт” болсон юм. 

 

Дашрамд дурдахад, цусаа өгье гэсэн хүн бүрээс цус авдаггүй. Учир нь цусаа өгөх гэж байгаа хүн 17-60 насны эрүүл хүн байх ёстой байдаг аж. Иймд цус өгөхөөс өмнө цусны даралт, цус багадалтыг үзэж эмчийн зөвшөөрлөөр цусыг авна. 18-35 насны эмэгтэйчүүд ихэнх нь жирэмсэн болсон байдаг учир дээрх насны эрчүүд цусаа хандивлаж байх хэрэгтэй. Цусны төвд  Улаанбаатар хотын 17 000 иргэн,  улсын хэмжээнд 20 000-22 000 иргэн цусаа хандивладаг байна. Энэ байгууллага өдөрт 120 хүнээс цус авч байж нөөцөө бүрдүүлдэг. Иймд таны бэлэглэсэн цус олон хүний амь насыг аварч амьдрал бэлэглэдэг. Цусаа хандивлаж танихгүй ч гэлээ хэн нэгэн хүнд аз жаргал бэлэглэхийг уриалж байна.