Үндэсний телевиз
Цагийн хүрд
Найм арваннэг
Монголын жүдо бөхийн шилдэг тамирчдын нэг Ц.Наранжаргал тулааны урлагт хөл тавиад удаагүй байгаа билээ. Жүдогийн насанд хүрэгчдийн 11 удаагийн улсын аварга түүний хувьд саяхан холимог тулааны MFC холбоонд тулалдаж, чөлөөт бөхийн залуу тамирчин Д.Цогзолмааг ялсан. Ингэснээр тэрбээр АНУ-ыг зорьж, тулалдах эрхээ авсан юм.
Түүний ялалтын буухиа боксын улсын аваргаар ч үргэлжлэв. Ц.Наранжаргал боксын УАШТ-ий анхны тулаанаа олимпод оролцсон анхны эмэгтэй боксчин М.Мягмаржаргалын эсрэг хийж, ялалт байгуулан, алтан медалийн төлөө шалгарчээ.
Жүдо бөхийн эмэгтэйчүүдийн -70 кг-ын жинд өрсөлдөж явсан Ц.Наранжаргал эх орноо төлөөлөн 2016 оны "Рио"-гийн олимпод оролцсон түүхтэй. Мөн тэрбээр жүдо бөхийн багийн дэлхийн аваргын мөнгөн медаль, Азийн наадмын гурван хүрэл медаль, Азийн аваргын алт, мөнгө, хүрэл медальтай шилдэг тамирчин.
Мөн сонирхогчийн бокст эргэн ирсэн Э.Цэндбаатар "Сүлд" спорт хорооны залуу тамирчин Б.Нэргүйг хүнд цохилтоор буулган авчээ.
| Жүдо бөхийн тамирчин Ц.Наранжаргал тулааны спортыг сонгожээ | ||
| Үзсэн: 732 | Mongolian National Broadcaster |
М.Золзаяа
Б.Цоожчулуунцэцэг
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.