Шууд Chart

ОХУ мэргэжлийн бөхийн лиг байгуулжээ

2022-03-30 16:10:38

ОХУ-ын Спорт бөхийн холбооноос мэргэжлийн бөхийн лиг байгуулснаа албан ёсоор зарлалаа. “Poddubny Wrestling League” нэртэй тус лигийн анхны тэмцээн ирэх тавдугаар сарын 19-20-нд Москвад явагдах аж. Тэмцээнд Орос, Беларусын шилдэг бөх оролцохоос гадна гадаадын тамирчдад ч нээлттэй гэнэ.

Холбооны тэргүүн Михаил Мамиашвили “Мэргэжлийн бөхийн лиг байгуулах төсөл маш эртнээс яригдаж байсан. Бөх бол спорт сонирхогчдын сонирхлыг татдаг төрөл. Манай улсын эсрэг авч байгаа хориг арга хэмжээний үед бид лигээ байгууллаа. Хоригт орсон манай бөхчүүдэд тэмцээн, уралдаан хэрэгтэй байна. Poddubny Wrestling League лигийн анхны тэмцээн Орос төдийгүй дэлхийн өнцөг булан бүрт анхаарал татна гэдэгт итгэлтэй байна” гэж сэтгүүлчдэд мэдээллээ.

Мэргэжлийн лиг эрэгтэй, эмэгтэй чөлөөт бөх, сонгомол барилдаан гэсэн олимпын 3 төрөл, грэпплинг, панкратионы тэмцээн зохион байгуулна. Шагналын санг зарлаагүй ч түүхэнд байгаагүй өндөр шагналтай тул дэлхийн бөхийн бүх одод цугларна гэж зохион байгуулагчид итгэж байна.

Нийтэлсэн: У.Баярсайхан

ОХУ мэргэжлийн бөхийн лиг байгуулжээ  
Үзсэн: 477 Mongolian National Broadcaster  

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.
1000 Сэтгэгдэлээ бичнэ үү

Бидэнтэй нэгдээрэй