Үндэсний телевиз
Цагийн хүрд
Найм арваннэг
Аймаг, сум, дүүргийн иргэдийн Төлөөлөгчдийн Хурлын нөхөн болон дахин сонгууль 2022 оны зургаадугаар сарын 19-ний өдөр 07:00-20:00 цагт Монгол Улсын 15 аймгийн 41 сум, нийслэлийн 2 дүүрэгт явагдлаа. Хуульд заасны дагуу санал авах өдрийн өмнөх өдөр зөөврийн битүүмжилсэн саналын хайрцгаар санал авах ажиллагааг явуулахад 403 сонгогч санал өгчээ.
Санал авах байруудад нам болон нэр дэвшигчдийн сонгуулийн ажиглагчаар 274 хүн (МАН-123, АН-91, бие даан нэр дэвшигчдээс 60) ажиллаж, сонгуулийн үйл ажиллагаа хуулийн хүрээнд явагдаж байгаа эсэхийг ажиглав.
Орон нутгийн нөхөн, дахин сонгуульд нийт 94 нэр дэвшигч буюу Монгол Ардын намаас 49, Ардчилсан намаас 37, бие даан нэр дэвшигч 8 өрсөлджээ. Нөхөн болон дахин сонгуулийн дүнг аймаг, сум, дүүргийн сонгуулийн хороод бүрэн эрхийн хүрээнд сонгуулийн дүн болон төлөөлөгчөөр сонгогдсонд тооцох тухай шийдвэрийг сонгууль дууссанаас хойш 7 хоногийн дотор тухайн шатны иргэдийн Төлөөлөгчдийн Хуралд өргөн мэдүүлэх хуулийн зохицуулалттай.
Эх сурвалж: Монгол Улсын Сонгуулийн Ерөнхий Хороо
| Орон нутгийн ИТХ-ын нөхөн, дахин сонгууль явууллаа | ||
| Үзсэн: 647 | Mongolian National Broadcaster |
С.Байгалсайхан
У.Баярсайхан
О.Энхмаа
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.