Хан-Уул дүүрэгт гал унтраах автомашин бэлэглэлээ

2014-06-25 17:34:55

Нийслэлийн ХУД-т өнөөдөр БНСУ-ын өмнөд Генгсан аймгийн Хаман сумын Засаг дарга Ха Сон Шигийн дэмжлэгтэйгээр гал унтраах зориулалт бүхий хоёр, түргэн тусламжийн хоёр автомашины түлхүүр гардуулж өгсөн юм.

Тус дүүрэг Хансан сумтай 2011 оноос эгч дүүсийн найрамдалт харилцаатай байж, Хамтын ажиллагааны гэрээ байгуулж, төрийн захиргааны албан хаагчдын туршлага солилцох, хөдөө тариалан эрхлэгч хувь хүн, аж ахуй нэгжүүдийн төлөөллийг сургалтад хамруулах, хүүхэд багачуудыг "Сурагч солилцооны хөтөлбөр"-т жил бүр хамруулах зэргээр хамтарч ажиллаж байна.

Энэхүү Хамтын ажиллагааны хүрээнд өнөөдөр БНСУ-ын Хаман сумын Засаг дарга Ха Сон Шиг өөрийн биеэр хүрэлцэн ирж, Хан-Уул дүүргийн Засаг дарга Ж.Ганхуягт автомашиныг гардуулан өгч цаашдын ажил хөдөлмөрт өндөр амжилтыг хүслээ.

Тус үйл ажиллагаанд Засаг даргын орлогч Д.Азжаргал, орлогч М.Чингүнжав болон дүүргийн Онцгой байдлын дарга А.Дашням, Эрүүл мэндий нэгдлийн дарга Т.Пүрэвчулуун, Дүүргийн нэгдсэн эмнэлэгийн дарга Б.Бааст нар оролцов.

Автомашиныг дүүргийн Онцгой байдлын хэлтэс гал түймэртэй тэнцэх ажлын зориулалтаар ашиглах бол үлдсэнийг нь дүүргийн Эрүүл мэндийн нэгдэл болон Нэгдсэн эмнэлэг түргэн тусламжийн үйлчилгээндээ ашиглахаар болжээ.

Нийтэлсэн: Д.Жамбалдорж

	Хан-Уул дүүрэгт гал унтраах автомашин бэлэглэлээ
Үзсэн: 1316	Mongolian National Broadcaster

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.