"Бээжин-2008" олимпийн наадмаас алтан медаль хүртэн, монгол зон олныхоо хүслийг биелүүлсэн Хөдөлмөрийн баатар, гавьяат тамирчин Найдангийн Түвшинбаяр энэ долоо хоногийн эхний өдөр үрийн зулай үнэрлэв. Түүний гэргий Болдтөрийн Оюунбилэг 2010 оны нэгдүгээр сарын 11-ны өдөр олимпийн аварга ханьдаа нуган үр төрүүлж өгч, "Жаргалан" хотхонд аж төрөх залуу хос ийнхүү жаргал цэнгэлд умбав. Гэвч "Лондон-2012" олимпийн оргилд "авирах" зорилготой Түвшээ аварга өчигдөр Сүвон хотноо "хөшгөө нээх" дэлхийн шилдгийн шилдэг жүдочдын цомын тэмцээнд хүч сорихоор Гуулин улсыг зорьсон байна.