“Гэр бүлийн хүчирхийлэлд өртсөн хохирогчдод эрүүл мэндийн тусламж, үйлчилгээ үзүүлэх нь” сургалт хийлээ

2022-10-20 08:32:36

ГССҮТ-ийн Нийгмийн эрүүл мэндийн албаны дэргэдээ “Нэг цэгийн үйлчилгээний төв”-ийг байгуулсан.

Тус төв нь гэр бүлийн хүчирхийлэл болон бэлгийн хүчилрхийлэлд өртсөн иргэдэд тусламж үзүүлэх зорилгоор байгуулагдсан бөгөөд энэ оны 10 сарын 19-ны байдлаар нийт 835 үйлчлүүлэгч гэр бүлийн хүчирхийлэлд өртөж, эрүүл мэндийн тусламж болон бусад шаардлагатай үйлчилгээ авчээ. Үүнээс:

Насанд хүрсэн эмэгтэйчүүд- 639
Насанд хүрсэн эрэгтэй-76
Хүүхэд-120 тус тус үйлчлүүлж, бие махбодь, эдийн засаг, сэтгэл санаа болон үл хайхрах хэлбэрийн хүчирхийлэлд өртөж эрүүл мэндийн тусламж үйлчилгээ, амь нас аюулгүй байдлаа хамгаалуулахаар эмнэлгийн болоод түр хамгаалуулан байрлах үйлчилгээ аваад байна.

ЭМЯ, ГССҮТ-өөс санаачлан “Гэр бүлийн хүчирхийлэлд өртсөн хохирогчдод эрүүл мэндийн тусламж, үйлчилгээ үзүүлэх нь” сургалтыг Архангай, Сүхбаатар, Дундговь, Увс, зэрэг 11 аймагт амжилттай зохион байгууллаа. Сургалтыг зохион байгуулснаар эрүүл мэндийн салбар дахь эмч, эмнэлгийн мэргэжилтнүүдийн хуулиар хүлээх үүргийг эрчимжүүлж, гэр бүлийн хүчирхийлэлд өртсөн, өртөж болзошгүй хүнийг илрүүлэх болон осол гэмтэлд өртөхөөс урьдчилан сэргийлэх ач холбогдолтой юм.

Нийтэлсэн: Эрүүл мэндийн яам

	“Гэр бүлийн хүчирхийлэлд өртсөн хохирогчдод эрүүл мэндийн тусламж, үйлчилгээ үзүүлэх нь” сургалт хийлээ
Үзсэн: 758	Mongolian National Broadcaster

Сэтгэгдэл бичих:

АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.