Үндэсний телевиз
Цагийн хүрд
Найм арваннэг
Монгол Улсаас Бүгд Найрамдах Португал Улсад суугаа Онц бөгөөд Бүрэн эрхт Элчин сайд У.Нямхүү 2022 оны 11 дүгээр сарын 17-ны өдөр Бүгд Найрамдах Португал Улсын Ерөнхийлөгч Марсело Ребело ди Соузад Итгэмжлэх жуух бичгээ өргөн барив.
Элчин сайд У.Нямхүү Монгол Улсын Ерөнхийлөгч Ухнаагийн Хүрэлсүхийн мэндчилгээг уламжилж, Монгол, Португалын харилцааг, хамтын ажиллагааг бүхий л салбарт хөгжүүлэх, хоёр улсын хооронд дипломат харилцаа тогтоосны 50 жилийн ой 2024 онд болохыг дурдаж, энэ хүрээнд хамтарсан арга хэмжээ зохион байгуулах саналтай байгаагаа илэрхийлэв.
Бүгд Найрамдах Португал Улсын Ерөнхийлөгч Марсело Ребело ди Соуза Монгол Улсын Ерөнхийлөгчид хариу мэндчилгээ дэвшүүлж, хоёр орны хооронд дипломат харилцаа тогтоосны 50 жилийн ойн хүрээнд тодорхой арга хэмжээ зохион байгуулах саналыг дэмжиж буйгаа илэрхийлж, манай хоёр улс олон улсын байгууллагын хүрээнд үр дүнтэй харилцан хамтран ажиллаж ирснийг онцлон тэмдэглэж, Элчин сайд У.Нямхүүд ажлын өндөр амжилт хүсэв.
| Элчин сайд У.Нямхүү Итгэмжлэх жуух бичгээ гардуулав | ||
| Үзсэн: 255 | Mongolian National Broadcaster |
М.Золзаяа
Шог зураач Л.Мөнхбат
Б.Цоожчулуунцэцэг
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.