Үндэсний телевиз
Цагийн хүрд
Найм арваннэг
Монголын сагсан бөмбөгийн холбооноос зохион явуулдаг өсвөр үеийн улсын аварга шалгаруулах тэмцээн тав хоногийн турш явагдаж, Чингэлтэй дүүргийн Спорт хороонд өндөрлөлөө.
Энэ удаагийн УАШТ-д эрэгтэй 38, эмэгтэй 20 баг өрсөлдөж, хөвгүүдийн ангилалд Л.Алтанхуяг дасгалжуулагчтай Баянгол дүүргийн шигшээ баг алтан медаль хүртсэн бол А.Тасхүү дасгалжуулагч Сүхбаатар “ONE DREAM” баг мөнгө, Б.Баттогтох дасгалжуулагчтай Говьсүмбэр аймгийн шигшээ баг хүрэл медаль хүртэв.
Тэгвэл охидын ангилалд Г.Ундрах дасгалжуулагч “Логарифм” спорт клуб түрүүлж, мөнгөн медалийг Б.Пүрэвсүрэн дасгалжуулагчтай Баянгол дүүргийн шигшээ баг, хүрэл медалийг З.Мөнх-эрдэнэ дасгалжуулагчтай “Оюуны Ундраа” цогцолбор сургуулийг баг хүртсэн юм.
Тэмцээний эрэгтэй шилдэг тоглогчоор Баянгол дүүргийн шигшээ багийн З.Энхтэмүүлэн, эмэгтэй шилдэг тоглогчоор “Логарифм” багийн Н.Нандинхүсэл нар тодорлоо.
Энэ оны сүүлчийн өсвөр үеийн улсын аварга шалгаруулах тэмцээн ирэх арванхоёрдугаар сарын 5-наас U17 насанд Сэлэнгэ аймгийн төвд болно.
| Баянгол дүүргийн шигшээ баг, “Логарифм” спорт клуб аваргалав | ||
| Үзсэн: 1054 | Mongolian National Broadcaster |
М.Золзаяа
Б.Цоожчулуунцэцэг
Р.Слава
Сэтгэгдэл бичих:
АНХААРУУЛГА: Уншигчдын бичсэн сэтгэгдэлд MNB.mn хариуцлага хүлээхгүй болно. ТА сэтгэгдэл бичихдээ хууль зүйн болон ёс суртахууны хэм хэмжээг хүндэтгэнэ үү. Хэм хэмжээг зөрчсөн сэтгэгдэлийг админ устгах эрхтэй. Сэтгэгдэлтэй холбоотой санал гомдолыг 70127055 утсаар хүлээн авна.